Znakómite kino kostiumowe - w doborowyj obsadzie i z kapitalnymi zdjyńciami. Napoleón (Daniel Auteuil) przibywo na Elba, kaj mody idealista-rómantyk planuje go zabić, ale, że to typ kordianowsko-hamletowski niy bardzo umi sie zdobyć na taki czyn. Reszta miyszkańców Elby kómbinuje, jak tu na pojawiyniu sie Bónapartego sie wzbogacić, czyli robióm to samo co bohatery NART ŁOJCA ŚWIYNTEGO Jerzego Pilcha, którzy tyż w jego fikcyjnyj sztuce napolali sie na profity z faktu, że Jan Paweł II po swoij rzekómyj abdykacji mioł zamiyszkać w ich górskij mieścinie. Mało tukej sztywniackij koturnowości - zamias tego jes sporo wóntków kómediowych (podlizujóncy sie i nadskakujóncy Napoleónowi burmiszcz i reszta urzyndasów skokajóm przi nim jak roztómajte dyrektory kopalń w czasie wizyty kiedyś piyrszego sekretarza PZPR, a dzisiej np. premiera), plus na drugim planie jak zawsze zachwycajónco Mónica Bellucci w roli namiyntnyj barónowyj.