Martin Scorsese biere sie tukej za skłodanie hołdu gatunkowi musicalowymu. Jes Liza Minelli, jes DyNiro, pora pómysłowych choreograficznie układów tyż by sie znodło, no i przede wszyskim jes tytułowo-szlagierowo piosynka "New York, New York". A czego niy ma? Chyba zabrakło ciekawyj historii po prostu... Synek poznowo dziołcha, wadzóm sie, kochajóm, rozstajóm, wracajóm...Jakby tych musicalowych numerów tukej było trocha wiyncyj, to może by sie czowiek niy kapnół, że fabuła kuleje, ale że jes inaczyj, to film sie cióngnie w pieróny...